404
نعتذر , لا نستطيع ايجاد الصفحة المطلوبة
  • العودة الى الصفحة الرئيسية
  • 2017-02-12

    القصة : جيت نصيدو صيدني - ﺍﻟﺠﺰﺀ 1

    القصة : جيت نصيدو صيدني - ﺍﻟﺠﺰﺀ 1


    #ﺟﻴﺖ_ﻧﺼﻴﺪﻭ_ﺻﻴﺪﻧﻲ
    ﺍﻟﺠﺰﺀ 1
    ﺳﻴﺪﻱ ﺭﺑﻲ ﻛﺎﻳﺒﻐﻲ ﻳﻌﺪﺏ ﺷﻲ ﻧﻤﻠﺔ ... ﻛﺎﻳﻌﻄﻴﻬﺎ ﺍﻟﺠﻨﺎﻭﺡ
    ﻭﻫﺎﺩﺍ ﻣﺎﺟﺮﺍ ﻟﻴﺎ ... ﻛﻨﺖ ﺿﺎﺣﻜﺔ .. ﻧﺎﺷﻄﺔ .. ﻭﺍﻛﻠﺔ ﻭ ﺷﺎﺭﺑﺔ .. ﺗﺎ ﻧﻬﺎﺭ
    ﺳﺨﻦ ﻋﻠﻴﺎ ﺭﺍﺳﻲ ﻭ ﻛﻠﺖ ﺍﺟﻲ ... ﺣﻜﺎ ﻭ ﺍﻟﻮﺍﺩ .. ﻧﺪﻳﺮ ﻣﺎ ﺩﺍﺭﻭ ﻧﺎﺱ ﺯﻣﺎﻥ
    .... ﺳﺎﻋﺎ ﻻ ﺩﻳﺎﻟﻲ ﺑﻘﺎ ﻭﻻ ﻭﺟﻬﻲ ﺗﻨﻘﺎ ..
    ﺍﻟﻨﺎﺱ ﻛﺎﻧﻮ ﻳﺪﻳﺮﻭﻫﺎ ﻭ ﻳﺘﺴﻠﻮ ﺷﻮﻛﺔ ﺑﻼ ﺩﻡ .. ﺍﻣﺎ ﺍﻧﺎ .... ﺳﻴﻠﺖ ﺍﻟﺪﻡ
    ﺍﻟﺮﺍﺍﺳﻲ ... ﻭ ﺑﺪﻳﺖ ﻧﻄﻠﺐ ﺍﻟﻠﻪ ﻳﻔﻚ ﺍﻟﺠﺮﺓ ﺑﺴﻼﻡ ..
    ﻛﻠﺸﻲ ﺑﺪﺍ ﻧﻬﺎﺭ ﺗﺠﻮﺟﺖ ﺳﻤﻴﺮ .. ﺍﻟﺼﺮﺍﺣﺔ ﻫﻮ ﺭﺍﺟﻞ ﻣﺰﻳﺎﻥ .. ﻭﺍﺧﺎ ﺍﻟﺤﺎﻟﺔ
    ﺿﻌﻴﻔﺔ ﺷﻮﻳﺔ ﺣﻴﺖ ﻳﺎﻻﻩ ﺑﺪﺍ ﺣﻴﺎﺗﻮ ﻭ ﻟﻜﻦ ﻛﺎﻥ ﻣﺎﺧﺼﻨﺎ ﺧﻴﺮ .. ﻋﺎﻳﺸﺔ ﻣﻊ
    ﺩﺍﺭﻫﻢ .. ﻟﻲ ﻓﻴﻬﺎ ﺧﺘﻮ ﻟﻤﻴﺎﺀ ﻭ ﻣﺎﻣﺎﻩ ﺍﻟﺤﺎﺟﺔ ﺗﻮﺭﻳﺔ .. ﺍﻣﺎ ﺷﻴﺨﻲ ﺗﻮﻓﺎ
    ﺍﻟﻠﻪ ﻳﺮﺣﻤﻮ ...
    ﻣﺎﺷﻲ ﺑﺰﺍﻑ ﺑﺎﺵ ﺗﺠﻮﺟﻨﺎ ... ﻛﺎﻥ ﺟﻮﺍﺝ ﺗﻘﻠﻴﺪﻱ .. ﻣﻮ ﺷﺎﻓﺘﻨﻲ ﻓﺎﻟﺤﻤﺎﻡ
    ... ﻣﺸﺎﺕ ﻣﻌﺮﻓﺖ ﺍﺵ ﻛﺎﻟﺖ ﻟﻴﻪ .... ﻭ ﺟﺎﺕ ﻋﻨﺪ ﻣﺎﻣﺎ .. ﺗﺎﻓﻘﻮ ﻫﻮﻣﺎ ﻭ
    ﺗﺠﻮﺟﻨﺎ ﺣﻨﺎ ... ﺑﺎﻕ ﺷﺮﻱ ﺗﺮﺑﺢ .
    ﻣﺎﺯﺍﻝ ﻣﺎﻭﻟﻔﻨﺎ ﺑﻌﻀﻴﺎﺗﻨﺎ ... ﺑﺎﻗﻲ ﻛﺎﻧﺤﺲ ﺑﻴﻪ ﻏﺮﻳﺐ ﻋﻠﻴﺎ .. ﻭﺣﺘﺎ ﻫﻮ ...
    ﻛﻮﻟﺸﻲ ﻛﺎﻥ ﻣﺰﻳﺎﻥ ﺗﺎﻝ ﻧﻬﺎﺭ ﺟﺎﻭ ﺑﻨﺎﺕ ﺧﺎﻟﺘﻮ ... ﻣﻌﺮﻭﺿﻴﻦ .. ﻋﺮﺿﺎﺕ
    ﻋﻠﻴﻬﻢ ﻋﻜﻮﺯﺗﻲ .. ﺍﻟﺼﺮﺍﺣﺔ ﻓﺮﺣﺖ .. ﺣﻴﺖ ﻫﺎﺩﻱ ﻓﺮﺻﺔ ﻧﻌﺮﻑ ﻓﻴﻬﺎ ﺍﻟﻌﺎﺋﻠﺔ
    .. ﻓﻘﺖ ﺑﻜﺮﻱ .. ﻣﻊ 6 ...ﻭ ﻟﻘﻴﺖ ﻟﻤﻴﺎﺀ ﻓﺎﻗﺖ ﻗﺒﻞ ﻣﻨﻲ .. ﻋﻄﺎﺕ ﻟﺴﻤﻴﺮ
    ﺍﻟﻔﻄﻮﺭ ﻭ ﺧﺮﺝ ﻟﺨﺪﻣﺘﻮ ....
    ﺧﺮﺟﺖ ﻛﺎﻧﺤﻚ ﻓﻌﻴﻨﻴﺎ *.. ﺻﺒﺎﺡ ﺍﻟﺨﻴﺮ ﻟﻤﻴﺎﺀ * ..
    * ﺻﺒﺎﺡ ﺍﻟﺨﻴﺮ ﺷﺎﻣﺔ .. ﺭﺍﻩ ﺳﻤﻴﺮ ﺧﺮﺝ .. ﻳﺎﻻﻩ ﺑﺎﺵ ﻧﻜﻤﻠﻮ ﺑﻜﺮﻱ ﻭ
    ﻧﺘﻬﻼﻭ ﻑ ﺭﺍﺳﻨﺎ ﺗﺎ ﺣﻨﺎ * ..
    ﺗﺒﺴﻤﺖ ... ﻓﻄﺮﺕ ﺑﺎﺵ ﻧﻠﻘﺎ ﺍﻟﻄﺎﻗﺔ ﺍﻻﺯﻣﺔ ﻟﻌﻤﻠﻴﺔ ﺍﻟﺘﺨﻤﺎﻝ ... ﻭ ﺷﻤﺮﺕ
    .. . ﺍﻳﻮﺍ ﺍﻧﺎ ﻭﻟﻤﻴﺎﺀ ﺗﻜﻠﻔﻨﺎ ﺑﺎﻟﺘﺨﻤﺎﻝ ﻭ ﺍﻟﺴﺨﺮﺓﻭ ﺧﺎﻟﺘﻲ ﺗﻮﺭﻳﺔ ﺑﺎﻟﻄﻴﺎﺏ ...
    ﺍﻳﻮﺍ ﺩﺍﻙ ﺍﻟﺼﺒﺎﺡ ... ﺍﺷﻤﻦ ﻃﻼﻣﻂ ﺗﺠﺒﺪﻭ ﻟﻴﻬﻢ ﺣﻨﻮﻛﻬﻢ ... ﻭ ﺍﺷﻤﻦ ﻛﻴﺴﺎﻥ
    ﺗﺠﺒﺪﻭ ﻭ ﻃﺒﺎﺳﻞ ... ﻭ ﺍﻟﻄﻴﺎﺏ ﻋﺎﻃﻲ ﺭﻳﺤﺘﻮ ﻣﻦ ﺍﻟﻀﻮﺭﺓ ... ﻭ ﺻﻼﺕ 10
    ﺩﻳﺎﻝ ﺍﻟﺼﺒﺎﺡ ﺍﻟﺪﺍﺭ ﻭﻻ ﺕ ﻙ ﺗﺸﻌﻞ ..
    ﻃﺤﺖ ﺍﻧﺎ ﻭ ﻟﻤﻴﺎﺀ ﻓﻮﻕ ﺍﻟﺴﺪﺍﺭﻱ .. ﻛﺎﻧﻠﻬﺘﻮ ... ﺧﺪﻳﻨﺎ ﻧﻔﺲ ﻭ ﻫﻲ ﺿﻮﺭ
    ﻋﻨﺪﻱ .. * ﺷﺎﻣﺔ .. ﺩﺍﺑﺎ .. ﺟﺎ ﺍﻟﻮﻗﺖ ﻟﻲ ﻧﺨﻤﻠﻮ ﺭﺍﺳﻨﺎ ﺣﻨﺎ *.
    ﺿﺤﻜﺖ ﻭ ﻛﻠﺖ *..ﺍﻳﻴﻪ .. ﻭﻟﻜﻦ ﺧﺎﻟﺘﻲ ﺗﻮﺭﻳﺔ؟؟*
    ﺷﺎﻓﺖ ﻓﻴﺎ *.. ﺧﺎﻟﺘﻚ ﺗﻮﺭﻳﺔ ... ﻣﺸﺎﺍﺕ ﻭ ﻟﺒﺴﺎﺕ ﻗﻔﻄﺎﻧﻬﺎ ... ﺭﺍﻩ ﻛﻤﻼﺕ
    ﻗﺒﻞ ﻣﻨﻚ *..
    ﻧﺾ ﻟﺒﻴﺘﻲ ﻭ ﺩﻭﺷﺖ .. ﻭ ﺟﺒﺪﺕ ﺩﺍﻙ ﺍﻟﻤﺎﺭﻳﻮ ﻧﺸﻮﻑ ﺍﺷﻤﻦ ﻗﻤﻴﺺ ﻧﻠﺒﺲ
    ... ﻟﺒﺴﺖ ﺣﻮﺍﻳﺠﻲ ... ﺳﺒﻐﺖ ﺿﻔﺎﺭﻱ ﻭﻗﺎﺩﻳﺖ ﺍﻟﺤﺎﻟﺔ ... ﻣﺎﺟﻴﺖ ﻓﻴﻦ ﻧﻜﻤﻞ
    ﺍﻟﺘﻮﺟﺎﺩ ﺗﺎ ﺳﻤﻌﻨﺎ ﺍﻟﺪﻗﺎﻥ ..
    ﺟﺮﺍﺕ ﻟﻤﻴﺎﺀ ﻟﻠﺒﺎﺏ .. ﺗﺎﻧﺴﻤﻊ *...ﺍﻫﻼ .. ﺍﻫﻼ .. ﺗﻔﻀﻠﻮ *..
    ﺭﺳﻤﺖ ﺍﺑﺘﺴﺎﻣﺔ ﻋﻠﻰ ﻭﺟﻬﻲ .. ﻭﺧﺮﺟﺖ ﻣﺸﻴﺖ ﻟﻠﺼﺎﻟﻮﻥ ﻟﻘﻴﺘﻬﻢ ﻛﺎﻟﺴﻴﻦ
    ... ﻛﺎﻧﻮﺍ ﻛﻠﻬﻢ ﺷﺎﺑﺎﺕ ... ﻏﺰﺍﻻﺕ ... ﻭﺣﺪﺓ ﺗﻨﺴﻴﻚ ﻓﺎﻻﺧﺮﺓ .. ﺷﺎﻓﺘﻨﻲ
    ﻟﻤﻴﺎﺀ ﻭ ﺟﺎﺕ .. * ﺷﺎﻣﺔ .. ﻫﺎﺩﻭ ﻫﻮﻣﺎ ﺑﻨﺎﺕ ﺧﺎﻟﺘﻲ ﺯﻳﻨﺐ ﺍﻟﻠﻪ ﻳﺮﺣﻤﻬﺎ ..
    ﻫﺎﺩﻱ ﻣﺎﺟﺪﺓ .. ﻭ ﻫﺎﺩﻱ ﻣﺎﺭﻳﺎ .. ﻭ ﻫﺎﺩﻳﻚ ﺻﻮﻓﻴﺎ *.. ﺳﻠﻤﺖ ﻋﻠﻴﻬﻢ ﻭ
    ﺩﺧﻠﻮ ﻟﻴﺎ ﻟﻘﻠﺒﻲ ﺑﺎﻻﺑﺘﺴﺎﻣﺔ ﺍﻟﻌﺮﻳﻀﺔ ﻟﻲ ﻣﺮﺳﻮﻣﺔ ﻋﻠﻰ ﻭﺟﻬﻬﻢ ...
    ﻛﺎﻟﺖ ﺻﻮﻓﻴﺎ *.. ﺷﺎﻣﺔ .. ﻏﺰﺍﻟﺔ ﻛﻲ ﺩﻳﻤﺎ .. ﻗﻤﺮ .. ﻛﻲ ﻧﻬﺎﺭ ﻋﺮﺳﻚ
    *..
    *ﺑﺮﺍﻙ ﺍﻟﻠﻪ ﻓﻴﻚ .. *
    ﻛﻠﺴﺖ .. ﻓﻮﺍﺣﺪ ﺍﻟﻘﻨﺖ ﻛﺎﻧﺸﻮﻑ ... ﺗﺎ ﺩﺧﻼﺕ ﺧﺎﻟﺘﻲ .. ﺑﺤﺎﻝ ﺍﻳﻼ ﺷﺎﻓﻮ
    ﺷﻲ ﺷﺨﺺ ﻣﻮﺣﺸﻴﻨﻮ ﺑﺰﺍﻑ ... ﺿﺎﺭﻭ ﺑﻴﻬﺎ ﻛﺎﻳﺴﻠﻤﻮ ﻋﻠﻴﻬﺎ ﻭ ﻓﺮﺣﺎﻧﺎﺕ ...
    ﻭ ﻳﻌﻨﻘﻮﻫﺎ .. ﻭ ﺍﻧﺎ ﻛﺎﻧﺸﻮﻑ ﺍﻟﻤﺤﺒﺔ ﻟﻲ ﺑﻴﻨﺎﺗﻬﻢ ..
    ﻛﻠﺴﻨﺎ ... ﻛﻠﻨﺎ . .. ﻭ ﺑﺪﺍﻭ ﻛﺎﻳﻬﻀﺮﻭ ﻋﻠﻰ ﺍﺣﻮﺍﻝ ﺍﻟﻌﺎﺋﻠﺔ .....ﻭ ﺍﻧﺎ ﻛﺎﻧﺴﻤﻊ
    .. ﻣﻮﺿﻮﻉ ﺑﻌﻴﺪ ﻋﻠﻴﺎ ... ﺑﻘﻴﺖ ﺳﺎﻛﺔ ... ﺗﺎﻭﺻﻼﺕ ﻭﻗﻴﺘﺔ ﺍﻟﻐﺪﺍ .. ﻧﺎﺿﺖ
    ﺧﺎﻟﺘﻲ .. * ﻭﺍﻧﻮﺽ .. ﻏﺎﻳﻜﻮﻥ ﺟﺎﻛﻢ ﺍﻟﺠﻮﻉ ﺍ ﺍﻟﺒﻨﻴﺎﺕ * ...
    ﻛﻲ ﻧﺎﺿﺖ ﻫﻲ ﺗﺒﻌﻬﺎ ﻟﻤﻴﺎﺀ *.. ﻫﺎﻧﻲ ﺍ ﻣﺎﻣﺎ ﻧﻌﺎﻭﻧﻚ .. ﻳﺎﻻﻩ ﻧﺾ ﻫﻮﻣﺎ
    ﻳﻜﻮﻟﻮ ﺍﻟﺒﻨﺎﺕ *.. ﺷﺎﻣﺔ ﺧﻠﻴﻚ ﻣﻌﺎﻧﺎ *..
    ﺍﻟﻄﺮﻳﻘﺔ ﺑﺎﺵ ﻛﺎﻟﻮﻫﺎ ﺧﻠﻌﺎﺗﻨﻲ ... ﻭﺍﻟﻨﻀﺮﺍﺕ ﺩﻳﺎﻟﻬﻢ ﻓﺎﻟﺸﻜﻞ . ﻭﺍﺣﺪ
    ﺍﻟﻀﺤﻜﺔ ﺷﺮﻳﺮﺓ ﻧﻮﻋﺎ ﻣﺎ ... ﻗﺮﺑﺖ ﻣﻨﻬﻢ ﺑﺸﻮﻳﻴﻴﻴﻴﺔ ...
    ﻛﺎﻟﺖ ﻣﺎﺟﺪﺓ * ﻣﺎﻏﺎﻧﻌﻀﻮﻙﺵ .. ﺍﺟﻲ .. *
    ﻛﻠﺴﺖ ﺣﺪﺍﻫﻢ ﻫﻮﻣﺎ ﻳﻀﻮﺭﻭﻧﻲ ... ﻭﺣﺪﺓ ﻣﻦ ﻟﻴﻤﻦ .. ﻻﺧﺮﺍ ﻣﻦ ﻟﻴﺴﺮ ...
    ﻭ ﺍﻟﺨﺮﺍ ﻗﺪﺍﻣﻲ ... ﺷﻔﺖ ﻓﻴﻬﻢ ﺑﻮﺟﻪ ﺑﺮﻳﻴﻴﺊ ..
    ﻫﻀﺮﺍﺕ ﻣﺎﺭﻳﺎ ﻭ ﻛﺎﻟﺖ ...

    هذا النص هو مثال لنص يمكن أن يستبدل في نفس المساحة، لقد تم توليد هذا النص من مولد النص العربى، حيث يمكنك أن تولد مثل هذا النص أو العديد من النصوص الأخرى إضافة إلى زيادة عدد الحروف التى يولدها التطبيق

    الكاتب : Chouf - Chouf TV

    جميع الحقوق محفوظة ل شوف شوف TV