random

آخر الأخبار

random
random
جاري التحميل ...

المتمرد و الثائر و القائد و الزعيم و اﻷسطورة و و و و... كلها أوصاف قليلة في حق واحد من صناع تاريخ البشرية


المتمرد و الثائر و القائد و الزعيم و اﻷسطورة و و و و... كلها أوصاف قليلة في حق واحد من صناع تاريخ البشرية...
شي جيفارا شخصية مقودة بجهد شخص غير عادي بالمرة و امبوستاحيل يكون عادي...

تزاد أرنستو شي جيفارا في اﻷرجنتين عام 1928 في عائلة ثرية كوبية اﻷصل عاش طفولة برجوازية هاي كلاس الدار المدرسة.. المدرسة الدار... بدا كايقرى كتب بالرغم من صغر السن ديالو الشيء لي خلاه يعرف بزاف الحوايج و غايبغي يكتشفهم من بعد... طلب من باه يديرو شي جولة في أمريكا اللاتينية.. في ديك الجولة شاف عمال المناجم و المعاناة ديالهم الناس عايشة فقر مدقع بسباب اﻹستغلال.. كانت هاديك الجولة بمثابة بداية تكون النزعة الثورية عند شي جيفارا...

عام 1953 شي جيفارا تخرج طبييب من كلية الطب في جامعة بيونس آيرس.. طبيعة العمل ديالو خلاتو يحتك بالفقراء و يعرف مشاكلهم و معاناتهم... في نفس العام سافر إلى أمريكا و تما تلاقى ناس يساريين عطاوه أبجديات الثورة و المقاومة لي غايمشي يطبقها في غواتيمالا سنة 1954 في مقاومة اﻹنقلاب العسكري المدبر من طرف لاميغيك أنذاك... هاد المقاومة ساهمت بشكل كبير في نشر إيديولوجية الفكر الثوري ديال شي جيفارا في أمريكا اللاتينية...
عام 1955 مشى جيفارا للمكسيك تما تلاقى برؤول كاسترو و صحابو المنفيين هناك و لي كانو كايبرباريو لثورة في كوبا ضد النظام الديكتاتوري المدعم من طرف أمريكا ، في عام 1957 نجحات الثورة و تم إسقاط النظام الديكتاتوري بالكفاح المسلح القرطاس ميشي ب الشعب يريد إسقاط النظام...

هنا سطع نجم شي جيفارا و أخد عدة مناصب حكومية في كوبا استطاع من خلالها تحسين أوضاع هذا البلد بشكل واضح.. سنة 1965 خرج من الحياة السياسية و قدم اﻻستقالة للدولة و رجع للحياة الثورية بالرغم من إصابتو بمرض الربو و هاد المرة الوجهة كانت إفريقيا و بالضبط في الكونغو إلا أن الثورة مانجحاتش او مالقاتش تجاوب من عند لي زافغيكان لي موالفين بالعبودية... رجع شي جيفارا لبوليفيا ماشي باش يدير ثورة و لكن باش يقضي على منبع الرأسمالية و أساس المشاكل لي هي أمريكا الشيء لي ماشي ساهل... سنة 1967 علنات أمريكا رسمياً الحرب على شي جيفارا لي لقى راسو مع 20 مقاتل كايواجهو لاميغيك بالجيش ديالها بقيادة السي آي إيه و ما أدراك ما سي أي إيه... القضية صعابت عند الثوري الكوبي و نهاية ديالو اقتربت داكشي لي وقع و تم إلقاء القبض عليه في قرية ساما باتا البوليفية بعد محاصرة القرية من طرف الجيش اﻷمريكي...

بعد 4 ساعات من التحقيق قامت المخابرات الأمريكية بإطلاق النار على شخصية تاريخية زعزعت كيان أمريكا و نظامها شخصية خلات الطبقة البرجوازية و المال و الجاه و المناصب و فضل يدافع على الفقراء و يحارب الظلم و اﻹستغلال الرأسمالي... بعدما تم دفنه في شي بلاصة مجهولة قطعوا إيديه و صيفطوهوم هدية للرئيس الكوبي كاسترو صديق شي جيفارا كعربون إنتقام قادم في اﻷفق..
بعدما تعلن الخبر ديال الموت ديالو انطلقت المظاهرات في العالم كامل مودعة أسطورة تاريخية طبعت إسمها من ذهب في تاريخ البشرية...

فكر ثوري تشغفاري ضرب في عمق مجتمعات لعربية ؛ خصوصا سنوات ستين و سبعين ؛ يا ويلك يا سواد ليلك تحصل عندك شي صورة ديالو او شي كتاب...بل حتى ثمانينات كانت افلامه التي تروي سيرته ذاتية ممنوعة ...شعاع هذا رجل وصل للادب و الشعر ...بل حتى غناء ..من منا لم يستمتع برائعة سيد إمام جيفارا مات داعو الخبر في راديوات ....و من منا لم يردد مع كريستنا اغليرا أغنيتها شهرة تشيغفارا.....

من المقولات التاريخية ديالو : إنّني أحس على وجهي بألم كل صفعة تُوجّه إلى مظلوم فهذه الدنيا ، فأينما وجد الظلم فذاك هو موطني..

عن الكاتب

Mohammed AAFAS

التعليقات

loading...
loading...


إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

إتصل بنا

جميع الحقوق محفوظة لـ

شوف شوف TV

2017

تم الكشف عن مانع الإعلانات

الإعلانات تساعدنا في تمويل موقعنا، فالمرجو تعطيل مانع الإعلانات وساعدنا في تقديم محتوى حصري لك. شكرًا لك على الدعم ❤️