404
نعتذر , لا نستطيع ايجاد الصفحة المطلوبة
  • العودة الى الصفحة الرئيسية
  • 2017-02-19

    قصة ولد الشيطان - الجزء السادس | weld chitan 6

    قصة ولد الشيطان - الجزء السادس | weld chitan 6

    قصة ولد الشيطان - الجزء السادس| weld chitan 6

    بقيت نشوف في دام مش لكحل وحد لحظة غبر مفهمت والوا انا و دخل ادم عندي لبيت و قال ليا بابا انا معلمة ضربتني و لكن انا مأدب ماغديش ندير لبسة انا ديك ساعة تزيزنة حيث عارف اش كيوقع إلا ضربتيه و انا نزعم و قلت ليها ادم واش انا عزيز علك عرفتوا اش قال ليا شوف ا سي يونس انا راه معزيز عليا تحد بصوت غليظ انا راه بسبسك واحل في هاد دينا تا أش كتقول شويا و قلب لهدرة و جا عنقني انا مفهمت تاحجة 

    صراحة ولفت هاد جو ديال رعب وليت نقول غير على حرية انا مكهمنيش راسي لمهم دازت عامين ادم ولا عندوا شي 7 سنوات سد غادي و يكبر و زيان و مصادفة ان ديك معلمة لضرباتوا مطرا ليها والوا عجيب هاد شي لمهم انا كنت مزيان في خدمة و حرية تاهي عيشا مزيان و ادم ككبر كنت رتحينا من مشكيل حيث نفدت داك شي لقال ليا شيطان واحد مرة جالسين ان و ادم كنشوف تمرين دولوا و داك نهار صادف مرور 7 سنوات على موت أم حرية 

    شفت حرية مقلقة و قلت ليها تفكرتي وليدة قالت ليا اه لمهم نادت لكوزينة و هدر ادم عرفتي أبابا شكون قتلها و علاش أنا في راسي قلت نتوما و لكن علاش هادي لأول مرة بغيت نعرفها أن قلت ليه علاش أولدي أدم وهو....


    ساعة هو ضحك وتكلم شتي مامات حرية راها ماشي ماماها مت حرية ماتت فاش ولدت حرية و باها تزوج ديك مرى و حرية مسكينة كصحب ليها هديك راها مها و هادوك خوتعا و خوتتها عرفتي أبابا علاش قتلتها حيث هي سبب في لعداب لعشتوه إلا عداب مت حرية كانت مكتحملش حرية حيث هيا زينة و مسرارة و كانت كتقرى واخا عمرها بينت ليها هاد شي 

    ولكن دارت ليها توكل لسبب ليها في لعقر معمرها تولد و صوبوا ليها وحد فقيه راه ماما حرية كان عندها جن في كرشها كخسر ليها حمل في بدية أنا بقيت غير كنسمع و عمريني توقعتوا لمهم كمل لهدرة وقال فاش نتا درتي داك شي لقالوا لك شيطان حملت حرية حيث جن لفكرشها هرب ميقدرش علينا و فكنا ليها سحور أبابا علاش أنا نتقمت من مت حرية حيت حرية واصتها ماما شيطانة باش تهلا فيا أنا وليت ديك ساعة بحال لبغل مفاهم والوا لمهم سلينا لهدرة و تغيرات نظرة ديالي لأدم أول مرة كنتخلع منوا ديال بصح عمرني عشت هاد شي 

    واش أنا مسخوط عيش معيا ولد شيطان في داري واش أنا مسطي مخليه بيني وبين مرتي صراحة أنا تلفت لمهم جات لعطلة ديال صيف و مدرسة أدم داروا حفلة كنا معروضين حيت أولياء أباء كاملين جاين و داك نهار غادي نعرف علاش معلمة باقى عيشا و أش كين لمهم مشينا لمدرسة و كان حفل كبير و بنت ليا معلمة و مشيت عندها سلمت عليها و عقلت عليا قلت ليها سمح لينا على داك شي لوقع من أدم هادي مدة عامين لمهم قالت مسامحة و قالت سعداتكم عندكم ولد زوين و مجتهد وانا نقول ليها و نتي معندكش عرفتوا أش قالت..

    قالت ليا كنتمى يكون عندي ولدات تا أنا عرفتي أسيدي أنا تكنحمل و كيطيح ليا حمل معرفتش مناش مخليت تا دكتور و لا طبيب و كاملين كقولوا راه معندك والوا لحد أن مفهموش علاش مككملش لحمل انا أسيدي تعدبت بزاف بسباب هاد شي و شحال من مرة فكرة نتاحر أنا شدتني تغرغية وحد لحظة قلت ليها شحال ديال وقت ونتي هاكا قالت ليا عامين وانا هاكا ناري ديك ساعة تفكرت أدم ناري واش زعمة هو مول هاد لفعلة ناري 

    واش هادشي طرى بسبب لعصة لكلها من طرف معلمة أنا تلفت ديك ساعة و قلت ياربي نجني من هاد مخلوق و جلست في كرسي و منشوف فيه كلعب ممسوقش و تاحد معرفوا شكون هو لمهم سالت لحفلة و مشينا لدار بدلت حويجي و عيطت عايه قلت ليه أدم أجي نسولك قال ليا أها أنا هو مول فعلة ديك ساعة ياله غادي ندوي قلت ليه كيفاش قال ليا أنا مبغيتش نقتلها جسديا أنا قتلتها نفسيا ديما غادا تبقى معدبة عمرها تولد باش نوريها أش كنسواو 

    أنا ديك ساعة وليت غير كنتمتم وقلت علاش يأدم علاش بقى كضحك إوا هاد شي مقدر لينا معلينا غير صبر لمهم داز شهر لول عطلة و جاني كونجي قلت أرا نسفروا لمهم وجدنا ريوسنا و هودت حرية و أدم بقيت أنا لخر في دار باش نسدها ولكن قبل من سد باب غادي..


    قبل من سد لباب بان ليا داك مش لكحل كغوت أنا سديت و هربت .. وفكرة أش هاد شي عوتني واش أنا متفكيت تا مع أدم و جاني هاد لعجب ياربي أشمن دنب درت في حياتي لمهم ركبت طومبيل و مشينا لشمال صراحة جو زوين و بحر و ناس لخاور دديال بصح في سيمنة لولو نسيت كلشي ورتحيت حرية تاهية بدات كترجع ليامات ديالها و نشاط أدم ديك ساعة مكنش سعيد و كان مقلق أنا نسيتوا مالي أنا حياتي غادي جوز كملا هاك لمهم تسرينا 

    و درنا مزيان جا يوم 9 لغادي يعرف أكبر موصيبة و لخلتني ندم أول حاجة أدم مكنش كبغي يعوم في بحر معرفت علاش و تانيا مكبغيش يبقى بزاف رملة لمهم داك نهار قلت والله نتزعم أدم و ندخلوا لبحر وداك شي لدرت هزيتوا و جريت وكغوت و عينيه ولوا حمرين لحتوا في ما ناري و ندمت .. غادي غوات أخيب غوتة في حياتي سمعتها 

    و بدا كقول حرقتني حرقنتي غادي نقتلك نتا و حرية أنا ديك سلعة هربت و سمحت فيه و ركبت في طومبيل و خلعة شادني مشيت عند حرية وقلت ايها ركبي ياله هي قلت ليا ادم فين هوا قلت ليها سربيييييييييي لمهم هربنا و مشينا لدرنا و دازت يومين مكين تاخبر عليه وصل ليل و أنا داتني عيني وحد لحظة..


    ديك لحظة بديت كنسمع حرية كتقول ادم ادم ادم و دم خرج ليها من فمها انا تخلعت و بديت كنود فيها مبغاتش تفيق انا نادت هازيتها و ديتها لكادلينك علا وعسا يعتقوها لمهم دخلوها لعناية مركزة و بدو كقلبوها ولحظة خرج دكتور معوبس انا تخلعت كيسحب ليا غادي اقول ليا ماتت سولتوا اش كين ادكتور قال ليا اول میة نشوف هاد لحالة معندها والوا ولكن داك دم معرغناهش من كيجي هاد شي محير لمهم قلت ليه 

    الله يخليك لما عتقوها انا عرفت ادم هو مول هاد شي لمهم جلست في كرسي و بديت كنفكر و عودت فيلم كامل في ديك لحظة تفكرت لعشاب اه لعشاب هو لغادي يسعدني .. ندت كنجري بحال لحمق مشيت لعندو تال لداروا مع لحانوت ديالوا تحت داروا بديت كنعيط سي عباس سي عباس و طل عليا عقل عليا واخا دازت 7 سنوات هود لعندي و طلعني لداروا عرف مسكين كينا شي حاجة لمهم عودت ليه فلم كامل وقال هادش كامل وقع لمهم انا غادي نسعدك غدا غدين .....


    هذا النص هو مثال لنص يمكن أن يستبدل في نفس المساحة، لقد تم توليد هذا النص من مولد النص العربى، حيث يمكنك أن تولد مثل هذا النص أو العديد من النصوص الأخرى إضافة إلى زيادة عدد الحروف التى يولدها التطبيق

    الكاتب : Chouf - Chouf TV

    جميع الحقوق محفوظة ل شوف شوف TV