404
نعتذر , لا نستطيع ايجاد الصفحة المطلوبة
  • العودة الى الصفحة الرئيسية
  • 2017-03-02

    النساء ذوات اللحية او les femmes à barbe !!

    النساء ذوات اللحية او les femmes à barbe !!

    النساء ذوات اللحية او les femmes à barbe .. الاسباب !!

    النساء ذوات اللحية او les femmes à barbe ...


    عبر العصور، منذ "خلق ادم" او "تطور الهومو سابيانس"، عرفت البشرية حالات ديال اناس كايبانو فشكل. ومنهم عيالات او بنات عندهوم الحية كبيرة ومعمرة لوجه بحال ديال كارفاخال، هاد النساء بطبيعة الحال غادي يتعقدو بسبب نظرة المجتمع لي كايشوف انهم تمسخو او تسكنو او فيهم الجن او اي حاجة اخرى.. بغض النظر على كيفاش هما كايتعاملو مع هاد المتلازمة.. هنا غانفسروها علميا.. الظاهرة علميا سميتها L'hirsutisme.

    للاشارة، النساء ذوات اللحية هن جنسيا إناث 100%. (يعني هاد المقال ماكايهضرش على المثليات او المتحولات جنسيا او خونتا)..
    كلنا كانعرفو ان اي مظهر او اي حاجة فالجسم ديالنا (الشكل، اللون، المظهر ....) كايكون مسؤول عليه واحد المورثة (gène) او عدة مورثات على مستوى الحمض النووي (Acide désoxyribonucléique) وان اي مشكل فتركيب او فترجمة الحمض النووي سواءا فالمرحلة الجنينية او حتى بعد الولادة كايأدي فبعض الحالات لظهور حالات شاذة.

    البنات لي عندهم هاد المشكل كايبان غالبا لسببين. ولكن قبل مانهضرو على الاسباب نفهمو بعدا اشنو لي كايوقع عند الرجال. الراجل ملي كايوصل سن البلوغ. مهم جوايه ديك 14 عام كاتبدا الخصية فإنتاج الهرمونات الذكورية (les androgènes) بحال التيستوستيرون وداكشي.. هاد الهرمونات كاتولي كاتسركل فالدم. 

    بزاف ديال الانسجة فالجسم عندها مستقبلات هرمونية لي بمجرد ماكاتلقى ليزوندغوجين فالدم كايوقعو ليها تغييرات فالميكانيزم ديالها (هادشي كثير) حنا غانهضرو غير على الخلايا الجلدية ديال الوجهلي عندها مستقبلات خاصة بالهرمونات الذكورية و لي بمجرد تلقى الهرمونات الذكورية فالدم (لي بالنسبة ليها بحال شي رسالة من الخصية على ان السيد ولا راجل وخاص تنوض ليه اللحية) هاد الخلايا كاتولي تنتج الشعر او الزغب وداكشي بطبيعة الحال بشكل تدريجي... ولكن شنو لي كايوقع عند الفتاتش مولات اللحية.. للمعلومة، الانثى حتا هي عندها الهرمونات الذكورية ولكن بتركيز قلييييل جدا مقارنة مع الراجل (هاد الكمية القليلة كاتفرزها الغدة فوق-الكليوية (les glandes surrénales ) ولكن هاد الكمية القليلة ماعندها حتا تاثير فالحالات العادية وماكاتآترش على المستقبلات ديال الخلايا ديال الوجه... 

    نهضرو على اسباب ديال L'hirsutisme:


    * السبب اللول، هو انه كايوقع مشكل متعلق بالتخصص الخلوي (la différenciation cellulaire) وهاد المشكل كايخلي ان المبيض ماكايتكونش مزيان، وشي خلايا منو كايوليو بحال الخلايا لي فالخصية عند الراجل. يعني المبيض ديال الفتاة كايولي انتج الهرمونات الذكورية (وباقي العمليات كاتم بشكل عادي (الاباضة، الدورة الشهرية، نمو الثديين،...... ) هاد الهرمونات الذكوية لي كاينتجهم المبيض كايديرو خدمتهم وكايمشيو لخلايا الجلدية ديال الوجه وكاينوض الشعر تماما بحال عند الراجل).. وتركيز ديال الشعر فالوجه متناسب مع تركيز ديال الهرمون فالدم ومع عدد الخلايا المبيضية لي ماوقعاتش ليهم la différenciation..

    * السبب الثاني هو غالبا عند النساء لي عندهوم الوزن الزائد. كيما كانعرفو هاد النساء كايكون عندهوم نشاط ديال الأنسولين زايد (هادا موضوع اخر: بسباب زيادة الحجم وزيادة كمية ديال السكريات لي كاياكلو وسكريات لي كايتنتجو من الهدم ديال الشحمة وزيد وزيد. هادشي كامل كايتطلب زيادة تركيز ديال الانسولين باش كمية السكر فالدم تبقى فالنورمال) هاد التركيز الزايد ديال الانسولين، كاياثر بشكل غير مباشر على المستقبلات ديال الهرمونات الذكورية فالخلايا الجلدية ديال الوجه.. هاد الخلايا كايوليو حساسين بزاف للهرمونات الذكورية وكايستاجبو ليهم واخا تركيز ديالهوم قليل hypersebsibilité aux androgènes . هادشي كايخلي ديك الكمية القليلة ديال الهرمونات الذكورية لي كاتنتجهم الغدة فوق-الكلية عند البنت كافية باش انوضو الزغب فالوجه واخا ان المبيض جد عاااادي.... 

    كاينين بزاف ديال الاسباب اخرين وكثار، وكلهم متعلقين بإضطرابات فالانتاجات الهرمونية عند الانثى او بحساسية الخلايا الجلدية للهرمونات..

    هذا النص هو مثال لنص يمكن أن يستبدل في نفس المساحة، لقد تم توليد هذا النص من مولد النص العربى، حيث يمكنك أن تولد مثل هذا النص أو العديد من النصوص الأخرى إضافة إلى زيادة عدد الحروف التى يولدها التطبيق

    الكاتب : Chouf - Chouf TV

    جميع الحقوق محفوظة ل شوف شوف TV