404
نعتذر , لا نستطيع ايجاد الصفحة المطلوبة
  • العودة الى الصفحة الرئيسية
  • 2017-04-21

    ﻛﻴﻔﺎﺵ ﻛﺎﻳﺪﻳﺮ ﺍﻟﻤﺸﻌﻮﺫ ﺣﺘﻰ ﻛﺎﻳﻌﺮﻑ ﻋﻠﻴﻚ ﺍﻟﻤﻌﻠﻮﻣﺎﺕ ( ﺧﺪﻣﺘﻚ - ﺍﺻﺤﺎﺑﻚ - ﻧﻤﺮﺓ ﺍلتيليفون ...

    ﻛﻴﻔﺎﺵ ﻛﺎﻳﺪﻳﺮ ﺍﻟﻤﺸﻌﻮﺫ ﺣﺘﻰ ﻛﺎﻳﻌﺮﻑ ﻋﻠﻴﻚ ﺍﻟﻤﻌﻠﻮﻣﺎﺕ ( ﺧﺪﻣﺘﻚ - ﺍﺻﺤﺎﺑﻚ - ﻧﻤﺮﺓ ﺍلتيليفون ...


    ﺑﺰﺍﻑ ﺩﻳﺎﻝ ﺍﻟﻨﺎﺱ ﻣﺎﻋﺎﺭﻓﻴﻨﺶ ﻛﻴﻔﺎﺵ ﻛﺎﻳﺪﻳﺮ ﺍﻟﻤﺸﻌﻮﺫ ﺣﺘﻰ ﻛﺎﻳﻌﺮﻑ ﻋﻠﻴﻚ ﺍﻟﻤﻌﻠﻮﻣﺎﺕ ( ﺧﺪﻣﺘﻚ - ﺍﺻﺤﺎﺑﻚ - ﻧﻤﺮﺓ ﺍلتيليفون ﺩﻳﺎﻟﻚ - ﻧﻮﻉ ﻃﻮﻣﻮﺑﻴﻠﺘﻚ - ﺷﺤﺎﻝ ﻋﻨﺪﻙ ﻓﻲ ﺟﻴﺒﻚ ﺍﻟﺦ... ).
    ﺇﻭﺍ ﺳﻤﻌﻮ ﺍﻟﻄﺮﻳﻘﺔ ( ﺇﺫﺍ ﻛﻨﺘﻲ ﻣﺎﻋﺎﺭﻓﻬﺎﺵ) :
    ﻣﻠﻲ ﺷﻲ ﺣﺪ ﻛﺎﻳﻤﺸﻲ ﻋﻨﺪ ﺍﻟﻤﺸﻌﻮﺫ، ﺑﻤﺠﺮﺩ ﺍﻧﻚ ﺗﺠﻠﺲ ﻋﻨﺪﻭ 5 ﺩﻗﺎﺋﻖ ﻭﺑﻼ‌ﻣﺎ ﺗﺘﻜﻠﻢ، ﻛﺎﻳﻌﺮﻑ ﻋﻠﻴﻚ ﻛﻠﺸﻲ.. ﻛﻴﻔﺎﺵ ﺩﺍﺭ ﻟﻬﺎ؟
    ﻛﺎﺗﻌﺮﻓﻮ ﺃﻥ ﻛﻞ ﻭﺍﺣﺪ ﻓﻴﻨﺎ ﻋﻨﺪﻭ ﻗﺮﻳﻦ ﻣﻦ ﺍﻟﺠﻦ، ﻫﺎﺩ ﺍﻟﻘﺮﻳﻦ ﻛﺎﻳﻜﻮﻥ ﻣﻌﺎﻙ ﻣﻦ ﻧﻬﺎﺭ ﺗﺰﺍﺩﻳﺘﻲ ﺗﺎﻝ ﻧﻬﺎﺭ ﺗﻤﻮﺕ، ﻣﻠﻲ ﻛﺎﺗﻤﺸﻲ ﻋﻨﺪ ﺍﻟﺴﺎﺣﺮ ﺭﺍﻩ ﻃﺒﻌﺎ ﻣﻌﺎﻙ ﺍﻟﻘﺮﻳﻦ، ﻭﺍﻟﺴﺎﺣﺮ ﺭﺍﻩ ﺿﺮﻭﺭﻱ ﻋﻨﺪﻭ ﺍﻋﺪﺍﺩ ﻣﻦ ﺍﻟﺠﻦ ﺗﺎﻫﻤﺎ ﻛﻞ ﻭﺍﺣﺪ ﺑﺎﺵ ﻣﻜﻠﻒ، ﻫﺎﺩﻭﻙ ﺍﻟﺠﻦ ﺩﻳﺎﻝ ﺍﻟﺴﺎﺣﺮ ﻛﺎﻳﺎﺧﺪﻭ ﺟﻤﻴﻊ ﺍﻟﻤﻌﻠﻮﻣﺎﺕ ﻟﻲ ﻋﻠﻴﻚ ﻭﻛﺎﻳﻌﻄﻴﻮﻫﺎ ﻟﻠﺴﺎﺣﺮ، ﻏﺎﺩﻱ ﻳﻘﻮﻝ ﻟﻲ ﺷﻲ ﺣﺪ ﻋﻼ‌ﺵ ﺍﻟﻘﺮﻳﻦ ﺃﻋﻄﺎﻫﻢ ﺍﻟﻤﻌﻠﻮﻣﺎﺕ.. ﻏﺎﺩﻱ ﻧﻘﻮﻟﻚ ﺑﺄﻥ ﺍﻟﻘﺮﻳﻦ ﻭﺳﻂ ﺍﻟﺠﻦ ﺍﻵ‌ﺧﺮﻳﻦ ﺭﺁﻩ ﻫﻮ ﺃﺿﻌﻔﻬﻢ ﻣﺎﻳﻘﺪﺭﺵ ﻳﻘﻮﻝ ﻻ‌ ﻣﺎﻳﺘﻨﻔﻨﻔﺶ ﻫﻬﻬﻪ.. ﻣﻠﻲ ﻛﺎﻳﺎﺧﺪﻭ ﻫﺎﺩﻭﻙ ﺍﻟﻤﻌﻠﻮﻣﺎﺕ ﻛﺎﻳﻌﻄﻴﻮﻫﻢ ﻟﻠﻤﺸﻌﻮﺫ، ﻣﻦ ﺑﻌﺪ ﻛﺎﻳﻘﻮﻟﻚ ﺍﻟﺴﺎﺣﺮ :
    -ﺳﻤﻴﺘﻚ ﻓﻼ‌ﻥ ﻭﻋﻤﺮﻙ ﻛﺬﺍ ﻭﻛﺬﺍ ﻭﻣﺮﺍﺗﻚ ﺳﻤﻴﺘﻬﺎ ﻓﻼ‌ﻧﺔ ﺑﻨﺖ ﻓﻼ‌ﻥ ﻭﻋﻨﺪﻙ 2 ﻭﻻ‌ﺩ ﺍﻟﻜﺒﻴﺮ ﻓﻴﻬﻢ ﻛﺎﻳﻘﺮﺍ ﻓﻲ ﺍﻟﺮﺍﺑﻊ ﺳﻘﻂ ﻓﻴﻪ ﻋﺎﻣﻴﻦ ﻭﻋﻨﺪﻙ "فياط باليو" ﻭﺧﺪﻳﺘﻲ ﺑﺮﻃﻤﺔ.. ﻳﺎﻙ ﻫﺎﺩﺷﻲ ﻛﺎﻳﻦ ؟
    ﺃﻧﺖ ﻛﺎﻳﻮﻟﻲ ﻭﺟﻬﻚ ﺑﺤﺎﻝ ﻫﺬﺍ .... 😯😯😯
    ﻭنتا بحال الدمدومة ﻛﺎﺗﻘﻮﻝ ﻟﻴﻪ : ﺁﻩ ﺃﺳﻲ ﺍﻟﻔﻘﻴﻪ ﻛﻠﺸﻲ ﺻﺤﻴﺢ
    ﺍﻟﻔﻘﻴﻪ ﻟﻲ ﻫﻮ ﺯﻋﻤﺎ ﺳﺤﺎﺭ ﻛﺎﻳﺨﻠﻌﻚ ﺑﻬﺎﺩﻭﻙ ﺍﻟﻜﻠﻤﺎﺕ ﺩﻳﺎﻝ '' ﺍﻃﻠﺐ ﺍﻟﺘﺴﻠﻴﻴﻴﻴﻢ.. ﺍﻃﻠﺐ ﺍﻟﺘﺴﻠﻴﻴﻴﻴﻢ ﻣﻦ ﺍﻟﺠﻮﺍﺩ ''
    ﺃﻧﺖ ﺑﻜﺜﺮﺓ ﺍﻟﺨﻠﻌﺔ ﻛﺎﺗﻘﻮﻝ : ﺍﻟﺘﺴﻠﻴﻴﻴﻴﻢ ﺍﻣﺎﻟﻴﻦ ﺍﻟﻤﻜﺎﻥ
    ﺍﻟﺴﺆﺍﻝ ﻫﻨﺎ : ﻫﺎﺩ ﻣﺎﻟﻴﻦ ﺍﻟﻤﻜﺎﻥ ﻭﺍﻟﺠﻮﺍﺩ ﺷﻜﻮﻥ ﻫﻤﺎ؟
    ﺍﻟﺠﻮﺍﺏ : ﻫﻤﺎ ﺍﻟﺠﻦ ﻟﻲ ﺧﺪﺍﻣﻴﻦ ﻣﻊ ﺍﻟﺴﺤﺎﺭ..
    ﻭﺍﺵ ﺍﻧﺖ ﻳﺤﺴﺎﺑﻠﻴﻚ ﺑﻠﻲ ﻫﺎﺩﻭﻙ ﺍﻟﺠﻦ ﺧﺪﺍﻣﻴﻦ ﻏﺎ ﻫﻜﺎﻙ ﻓﺎﺑﻮﺭ ؟
    ﻻ‌ ﻻ‌.. ﺭﺍﻩ ﺑﺎﺵ ﺍﻟﺠﻦ ﻳﺨﺪﻣﻮ ﻋﻨﺪ ﺍﻟﺴﺤﺎﺭ ﺭﺍﻩ ﺍﻭﻝ ﺷﺮﻁ ﺑﺎﺵ ﻳﺤﻀﺮ ﺍﻟﺠﻦ ﻫﻮ ﺃﻥ ﺍﻟﺴﺎﺣﺮ ﻳﻜﻔﺮ.. ﻛﻴﻔﺎﺵ ﻛﺎﻳﻜﻔﺮ ؟ ﺇﻣﺎ ﻛﺎﻳﻘﻮﻟﻮ ﻟﻴﻪ ﺇﻗﺮﺃ ﺳﻮﺭﺓ ﺍﻟﻔﺎﺗﺤﺔ ﺑﺎﻟﻤﻘﻠﻮﺏ ﺃﻭ ﻗﻄﻊ ﺍﻟﻘﺮﺁﻥ ﺍﻟﻜﺮﻳﻢ ﻭﻟﻮﺣﻮ ﻓﻲ ﺍﻟﻄﻮﺍﻟﻴﻂ ﺃﻭ ﻗﻄﻊ ﺻﻔﺤﺎﺕ ﺍﻟﻘﺮﺁﻥ ﺍﻟﻜﺮﻳﻢ ﻭﺩﻳﺮﻫﻢ ﺗﺤﺖ ﺍﻟﺒﻠﻐﺔ ﻭﻭﻟﻲ ﺗﻤﺸﻲ ﻋﻠﻴﻬﻢ ﺃﻭ ﻣﺎﺗﺨﺮﺟﺶ ﻭﻣﺎﺗﺪﻭﺵ ﻟﻤﺪﺓ 40 ﻳﻮﻡ ﺃﻭ ﺷﻌﻞ ﺍﻟﺸﻤﻊ ﻭﺭﺳﻢ ﺍﻟﻨﺠﻤﺔ ﺍﻟﺴﺪﺍﺳﻴﺔ ﻭﺟﻠﺲ ﻭﺳﻄﻬﺎ ﻭﺭﺩﺩ ﻫﺎﺩ ﺍﻟﻜﻠﻤﺎﺕ 1500 ﻣﺮﺓ.. ﻫﺎﺩ ﺍﻟﻜﻠﻤﺎﺕ ﻛﺎﻳﻜﻮﻧﻮ ﻃﻼ‌ﺳﻢ ﻓﻴﻬﺎ ﺃﺳﻤﺎﺀ ﺍﻟﺠﻦ ﺍﻟﺦ..
    ﻋﺮﻓﺘﻲ ﺇﺫﺍ ﻣﺎ ﻟﺒﺎﺵ ﻟﻴﻬﻢ ﺍﻟﻔﻘﻴﻪ ﻭﺍﺧﺘﺎﺭﻕ ﻣﻌﺎﻫﻢ ﺍﻟﻜﻮﻧﻄﺮﺍ ﺃﻭ ﺑﻐﻰ ﻳﺒﻌﺪ ﻣﻦ ﺍﻟﺴﺤﺮ ﻭﺍﻟﺸﻌﻮﺫﺓ ﻭﺍﻟﻠﻪ ﺣﺘﺎ ﺿﺒﺮ ﻋﻠﻴﻬﺎ ﻣﻌﺎﻫﻢ.. ﺑﺎﻟﺮﺏ ﺗﺎ ﻳﻌﻴﺶ ﻣﻌﺎﻫﻢ ﺍﻟﻮﻳﻼ‌ﺕ ﻭﺍﻟﻌﺬﺍﺏ. . ﺣﻴﺎﺗﻮ ﻳﻘﻠﺒﻮﻫﺎ ﺳﻔﺎﻫﺎ ﻋﻠﻰ ﻋﻼ‌ﻫﺎ.. ﻭﺍﻟﻠﻪ ﺣﺘﺎ ﻳﻨﺘﺎﻗﻤﻮ ﻣﻨﻮ.. ﺣﻴﺖ ﺩﺍﻛﺸﻲ ﻣﺎﺷﻲ ﺳﺎﻫﻞ.. ﻭﺍﻟﺠﻦ ﺭﺍﻫﻢ ﺩﺭﺟﺎﺕ.. ﻛﺎﻳﻦ ﺍﻟﺠﻦ ﺍﻟﻄﻴﺎﺭ ﻭﺍﻟﺠﻦ ﻟﻲ ﺧﺪﻣﺘﻮ ﻓﻲ ﺍﻟﺒﺮ ﻭﺍﻟﺠﻦ ﻟﻲ ﺧﺪﻣﺘﻮ ﻓﻲ ﺍﻟﺒﺤﺮ ﻭﺍﻟﺠﻦ ﻟﻲ ﻭﻇﻴﻔﺘﻬﻢ ﻳﺤﺮﺳﻮ ﺍﻟﻜﻨﻮﺯ ﻭﺯﻳﺪ ﻭﺯﻳﺪ..
    ﺑﻼ‌ﻣﺎ ﻧﺴﺎﻭ ﺩﺍﻛﺸﻲ ﻟﻲ ﻛﺎﻳﺴﺎﻋﺪ ﻋﻠﻰ ﺗﺠﻤﻊ ﺍﻟﺠﻦ ﺑﺤﺎﻝ : ﺍﻟﺪﻳﺎﺳﻚ ﺩﻳﺎﻝ ﮔﻨﺎﻭﺓ ﺣﻴﺖ ﻻ‌ ﺭﻛﺰﺗﻲ ﻓﻲ ﺍﻟﻜﻠﻤﺎﺕ ﻟﻲ ﻛﺎﻳﻘﻮﻟﻮ ﺭﺍﻩ ﻛﺎﻳﻘﻮﻟﻮ ﻋﺒﺎﺭﺍﺕ ﺷﺮﻛﻴﺔ ﻭﺃﺳﻤﺎﺀ ﺍﻟﺠﻦ '' ﻣﻴﺮﺓ - ﻋﺎﻳﺸﺔ - ﺣﻤﻮ '' ﻭﻛﺬﻟﻚ ﻣﺎﻧﺴﺎﻭﺵ ﺍﻟﺠﺎﻭﻱ ﻭﺻﻠﺒﺎﻥ.. ﺍﻟﺠﺎﻭﻱ ﻭﺻﻠﺒﺎﻥ ﺭﺍﻩ ﺑﺨﻮﺭ.. ﻭﺍﻟﺒﺨﻮﺭ ﻟﻲ ﺭﻳﺤﺘﻮ ﺧﺎﻳﺒﺔ ﺑﺤﺎﻝ ﺍﻟﺠﺎﻭﻱ ﻭﺻﻠﺒﺎﻥ ﺭﺍﻩ ﻛﺎﻳﺠﻤﻌﻮ ﺍﻟﺠﻦ ﺣﻴﺖ ﻫﻲ ﺻﻨﻒ ﻣﻦ ﻣﺄﻛﻮﻻ‌ﺕ ﺍﻟﺠﻦ ﺍﻟﻜﺎﻓﺮ.
    ﺃﻣﺎ ﺍﻟﺠﻦ ﺍﻟﻤﺴﻠﻢ ﻟﻲ ﻣﺎﻳﻀﺮﺵ ﺭﺍﻩ ﻋﺰﻳﺰ ﻋﻠﻴﻬﻢ ﺭﺍﺋﺤﺔ ﻋﻮﺩ ﺍﻟﻨﺪ ﻭﺍﻟﻌﻮﺩ ﺍﻟﻘﻤﺎﺭﻱ ﺣﻴﺖ ﻓﻴﻬﻢ ﺭﺍﺋﺤﺔ ﻃﻴﺒﺔ..
    ﺗﺎ ﺭﺍﻩ ﺗﻌﻤﻖ ﻓﻲ ﻫﺎﺩ ﺍﻟﻌﺎﻟﻢ ﺭﺍﻩ ﺗﺼﻄﻰ.. ﻭﺷﺤﺎﻝ ﻣﻦ ﻭﺍﺣﺪ ﻗﺘﻠﻮﻩ ﺍﻟﺠﻦ ﺍﻧﺘﻘﺎﻣﺎ ﻭﺷﺤﺎﻝ ﻣﻦ ﻭﺍﺣﺪ ﻟﻲ ﺗﺼﻄﻰ ﺍﻧﺘﻘﺎﻣﺎ ﻟﻠﺠﻦ ﻣﻨﻪ.
    ﺍﻟﺤﻤﺎﻳﺔ ﻣﻨﻬﻢ ﺗﻜﻮﻥ ﻋﺒﺮ ﺍﻟﺮﻗﻴﺔ ﺍﻟﺸﺮﻋﻴﺔ ﻭﺍﻷ‌ﺫﻛﺎﺭ ﻭﺯﻳﺪ ﻋﻠﻴﻬﺎ ﺍﻟﺼﻼ‌ﺓ، ﺃﻗﺴﻢ ﺑﺎﻟﻠﻪ ﺍﻟﻌﻈﻴﻢ ﺣﺘﻰ ﻓﻲ ﻭﺍﺣﺪ ﺍﻟﺤﻮﺍﺭ ﻛﺎﻥ ﺑﻴﻦ ﺭﺍﻗﻲ ﻭﺟﻨﻲ.. ﻫﺎﺩﺍﻙ ﺍﻟﺮﺍﻗﻲ ﺳﻮﻝ ﺍﻟﺠﻨﻲ، ﻗﺎﻝ ﻟﻴﻪ ﻛﻴﻔﺎﺵ ﺗﺎ ﺩﺧﻠﺘﻲ ﻟﻬﺎﺩ ﺍﻟﺠﺴﺪ؟ ﻗﺎﻝ ﻟﻴﻪ : ﺣﻴﺖ ﻣﻮﻝ ﻫﺎﺩ ﺍﻟﺠﺴﺪ ﻛﺎﻳﺼﻠﻲ ﻭﻳﻘﻄﻊ، ﺍﻧﺎ ﺍﺳﺘﻐﻠﻴﺖ ﺍﻟﻔﺮﺻﺔ ﺑﺄﻧﻪ ﻣﺎﻣﺤﻤﻴﺶ ﻭﺩﺧﻠﺖ ...
    ﻭﺍﺣﺪ ﺁﺧﺮ ﺳﻮﻟﻮ ﺍﻟﺮﺍﻗﻲ ﻗﺎﻝ ﻟﻴﻪ : ﻛﻴﻔﺎﺵ ﺩﺧﻠﺘﻲ ﻫﻨﺎ؟ ﻗﺎﻝ ﻟﻴﻪ : ﺣﻴﺖ ﻣﻮﻝ ﻫﺎﺩ ﺍﻟﺠﺴﺪ ﻣﺎﻛﺎﻳﺴﻤﻴﺶ ﺍﻟﻠﻪ
    ﺍﻟﺠﻦ ﺍﻋﺘﺎﺭﻑ ﺣﻴﺖ ﺗﺤﺖ ﺿﻐﻂ ﺍﻟﺮﺍﻗﻲ.. ﺣﻴﺖ ﻻ‌ﻣﺎﻋﺘﺎﺭﻓﺶ ﻏﺎﺩﻱ ﻳﺰﻳﺪ ﻳﺤﺮﻗﻮ ﺑﺎﻟﻘﺮﺁﻥ..
    ﻭﺯﻳﺪ ﻋﻠﻴﻬﺎ ﻟﻲ ﺩﻳﻤﺎ ﻋﻠﻰ ﺟﻨﺎﺑﺔ، ﺣﺘﻰ ﻫﻤﺎ ﻋﺮﺿﺔ ﻟﻠﻤﺲ ﺣﻴﺖ ﻣﺎﻛﺎﻳﻨﺶ ﻧﻈﺎﻓﺔ ﻭﻳﺴﺘﻐﻠﻮ ﺍﻟﺸﺨﺺ ﺍﻧﻪ ﻣﺎﺗﻮﺿﺄ ﻣﺎ ﺻﻠﻰ ﻭﺿﻌﻴﻒ ﻓﻲ ﺇﻳﻤﺎﻧﻪ ﻭﻛﺎﻳﺴﻜﻨﻮﻩ ﺍﻟﻠﻪ ﻳﺤﻔﻆ
    ﻭﺍﻟﺠﻦ ﻋﺰﻳﺰ ﻋﻠﻴﻬﻢ ﺍﻟﻨﺎﺱ ﻟﻲ ﻛﺎﻳﺎﻛﻠﻮ ﺑﻮﺣﺪﻫﻢ ﻓﻲ ﻣﻜﺎﻥ ﻓﺎﺭﻍ ﻭﻛﺎﻳﻜﻮﻥ ﻣﻨﻌﺰﻝ ﻭﻛﺎﻳﻜﻮﻥ ﻳﻨﻌﺲ ﺑﻮﺣﺪﻭ ﺑﻌﻴﺪ ﻋﻠﻰ ﺍﻟﻨﺎﺱ.. ﻳﻌﻨﻲ ﺍﻟﺨﻠﻮﺓ ﻭﺑﺰﺍﻑ ﻟﻲ ﻣﻤﺴﻮﺳﻴﻦ ﻣﻦ ﺍﻟﺠﻦ ﻛﺎﺗﻠﻘﺎﻫﻢ ﻣﻌﻘﺪﻳﻦ ﻭﻣﻌﺼﺒﻴﻦ ﻭﻓﻲ ﺣﺎﻻ‌ﺕ ﻛﺜﻴﺮﺓ ﻛﺎﻳﺒﻜﻴﻮ ﻭﻣﻀﻐﻮﻁ ﻋﻠﻴﻬﻢ ﺍﻟﻠﻪ ﻳﺸﺎﻓﻴﻬﻢ
    ﻭﻣﺰﻳﺎﻥ ﺗﺨﺪﻡ ﺳﻮﺭﺓ ﺍﻟﺒﻘﺮﺓ ﺃﻭ ﺗﻘﺮﺍﻫﺎ ﺍﻧﺖ، ﺑﺎﺵ ﻣﺎﻳﺪﺧﻠﺶ ﺍﻟﺠﻦ ﻭﺍﻟﺸﻴﺎﻃﻴﻦ ﻟﺒﻴﺘﻚ 3 ﺍﻳﺎﻡ.
    ﻭﻣﻦ ﻫﺎﺩﺷﻲ ﻛﺎﻣﻞ ( ﻟﻦ ﻳﺼﻴﺒﻨﺎ ﺇﻻ‌ ﻣﺎ ﻛﺘﺐ ﺍﻟﻠﻪ ﻟﻨﺎ..)
    و الله يحمينا و يبعد علينا كل ما هو شر و يبعد علينا الناس لي كيستعملو الشعوذة الله يرد بيهم.

    هذا النص هو مثال لنص يمكن أن يستبدل في نفس المساحة، لقد تم توليد هذا النص من مولد النص العربى، حيث يمكنك أن تولد مثل هذا النص أو العديد من النصوص الأخرى إضافة إلى زيادة عدد الحروف التى يولدها التطبيق

    الكاتب : Chouf - Chouf TV

    جميع الحقوق محفوظة ل شوف شوف TV