404
نعتذر , لا نستطيع ايجاد الصفحة المطلوبة
  • العودة الى الصفحة الرئيسية
  • 2017-04-21

    كتشد كاع الحشرات الصغيرة والحقيرة ،، بينما الدبابير الكبيرة تخترقها بكل سهولة .،!

    كتشد كاع الحشرات الصغيرة والحقيرة ،، بينما الدبابير الكبيرة تخترقها بكل سهولة .،!

    كيبقاو فيا المزاليط منين كيتيقو هد جوج مقولات
    "القانون فوق الجميع "و "الفلوس ماكتشريش السعادة " !!؟
    واش من نيتكم 😑
    شفتي قضية ولد الفشوف الاخيرة ومزال ماقتنعتي انك غالط  !؟
    اذا كان عندك الفلوس راه يمكن ليك تشري اي حاجة وتدير كلشي  بلا ماتخمم للقانون ولا ل كلمة ممنوع ،،
    ادا كان عندك #الدرهم بزااايد ،
    يمكن ليك تفرشخ حديدة ساوية ميزانية تاع جماعة في المغرب  في احسن رومبوان في الرباط  ، 
    وهاااانية الدرهم مووجود ،
    يمكن ليك  تسوق  تحت تأثير الكحول ،  وضرب الطاسة ونتا سايق كاع  بلا متسوق لشي مدونة السير ولا الباراجات و جهاز كشف الكحول ودوك تواشي .
    اذا عندك الدرهم ،، ممكن  ضربها بسكرة ناضية وتحيح وتعربط في احسن شارع في المغرب    بلا ماتسوق للبوليس ولا شي قانون تاع السكر العلني والعربدة وو ،،، خود راحتك وفيلمي دكشي  وتمسخر كيف بغيتي دونيا هانية اولد الحاج  ، الصرف مووجود ،
    يمكن ليك تشعل كارو وتكيف داخل سيارة الاسعاف ، ماكينش لي يهضر معاك خود راحتك
    وكاع كااع لاعركتي مع المخزن ،  راه في الاخير الفلوس كتفاريها ، سير المحكمة وخلي المحامي يتبع المساطر القانونية وفي الاخر غادي تخلص كاع دوك الغرامات المالية وميتنا ماعندو باس .
    الله يا ودي راه حصانة الدرهم هادي.
    و هدشي ماشي غير في المغرب بحدو حيث هو من دول العالم الثالت ولا انا كنقول هد الهضرة حيث حاس براسي مزلوط ومحكور في هد البلاد ،،،   ،
    لا ،  وخا انا مقودة عليا كنحتارم القانون في حياتي اليومية   لأني انسان موضوعي و اكبر من هد التبرهيش تاع عقدة الخواجة والنظرة المتشائمة و الشعور بالدونية الطبقية ،
    وعارف ان  هدشي راه واقع أزلي في كل المجتمعات  وفي كل المنظومات القانونية ديال كاع دول العالم  .
    دائما الاغنياء كيعيشو مرتاحين نسبيا من فوبيا شبكة القوانين ،
    لحقاش ديما المشرع تاع #القانون في اي حضارة كيخلي "ثغرات قانونية " للاغنياء  باش يفلتو من العقاب لي من المفروض انه" ساري على الجميع " تماما  بحال شي شبكة  تاع العنكبوت
    كتشد كاع الحشرات الصغيرة والحقيرة ،، بينما الدبابير الكبيرة تخترقها بكل سهولة .،!
    لهذا افهم اللعبة و حاول جمع المال و #كن_من_الدبابير 😉

    هذا النص هو مثال لنص يمكن أن يستبدل في نفس المساحة، لقد تم توليد هذا النص من مولد النص العربى، حيث يمكنك أن تولد مثل هذا النص أو العديد من النصوص الأخرى إضافة إلى زيادة عدد الحروف التى يولدها التطبيق

    الكاتب : Chouf - Chouf TV

    جميع الحقوق محفوظة ل شوف شوف TV